|
Аллоҳ садақалар сабабли уларнинг айрим гуноҳларини каффорат қилишини айтиб, суюнчли хабар беряпти.
إِنَّ الْحَسَنَاتِ يُذْهِبْنَ السَّـيِّئَاتِ
– „Албатта, яхшиамалларёмонлик-гуноҳларникетказур“.
[11:114]
Аллоҳ Таоло уларнинг барча қилаётган ишларидан Хабардор. Ҳеч нарса Аллоҳдан махфий эмас. У Зот садақа қилаётган кишининг ичидаги ниятини ҳам, ихлосини ҳам билади. Каттаю кичик ҳамма иш У Зотнинг назаридан четда қолмайди.
(إِن تُبْدُواْ الصَّدَقَاتِ Агар садақаларни ошкора ҳолда берсангиз). Бу оят олдинги оятнинг баёнидир. Яъни, бу ерда фақирга закот бериш ёки вожиб бўлган назрни беришни ошкор қилиш ёки махфий қилиш мақталяпти. Лекин Аллоҳнинг наздида уни ошкор қилишдан кўра махфий қилиш яхшироқ эканлиги ҳам айтиляпти. Махфий қилинганда берувчи учун риёдан, олувчи учун эса ноқулайликдан узоқроқ бўлади.
Мана шу
إِن تُبْدُواْ الصَّدَقَاتِ فَنِعِمَّا هِيَ
(Агарсадақаларниошкораҳолдаберсангиз, жудаяхши) ояти олдинги
وَمَا أَنفَقْتُم مِّن نَّفَقَةٍ أَوْ نَذَرْتُم مِّن نَّذْرٍ
(Инфоққилганҳарбирнафақангизваназрқилганҳарбирназрингизни) оятининг баёни бўлгани учун ўртадаги атф қилувчи ҳарф олиб ташланган.
Модомики, юқорида айтиб ўтганимиздек, бу оят баён бўлиб келаётган экан, демак унда айтилган садақалар олдинги оятда айтилган нафақа ва назрдир, яъни, фақирларга берилиши вожиб бўлган нафақа, фарз қилинган закот ва фақирларга берилиши вожиб бўлган назрдир.
Шу ерда бир масала туғилади. У Аллоҳ Таолонинг
وَتُؤْتُوهَا الْفُقَرَاء
(фақир-камбағалларга берсангиз) деган гапидир. Инфоқ қилувчининг ўз қарамоғидаги камбағал одамга яширин тарзда инфоқ қилишини ёки вожиб бўлган назрни камбағалга яширин беришни тушуниш мумкин. Яъни, бундай ишлар бевосита амалга оширилади.
Лекин закот берувчининг иши қандай бўлади? У закотини камбағалга бевосита берса ҳам бўладими ёки олдин давлатга бериши, кейин давлатнинг ўзи камбағалга бериши керак бўладими?
153-бет
Бетлар: 1 2 3 4 5 6 7 8 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232